Trinitate Plaza

Trinitate plaza, "ezustean" sorturiko plaza bat dela esan daiteke. Izan ere, aurretik bertan zegoen eraikina botatzean orube bat gelditu zen bertan eta hau aprobetxatuz, plaza eraiki zuten bertan.

Plaza izan aurretik beste zenbait funtzio izan ditu orube horrek. Jesuiten egoitza izatera ere iritsi zen, baina horren aurretik etxebizitza batzuk aurkitzen ziren bertan. Baina hau gutxi balitz, espetxe bat zegoen bertan azkenean trinitate plaza izatera heldu aurretik. Plaza eraiki aurretik, ondoko eraikinen fatxadak kontuan hartuz pilotaleku eta bolatoki bat eraiki ziren bertan.

Esan beharra dago plaza egin aurretik beste zerbait egitea pentsatua izan zela. Honek saneamendu eta zoru berri bat egitea eskatzen zuen. Baina 1863. urtean Luis Peña Gantxegik plazaren proiektua egin zuen. proiektuak 3 gune aipagarri zituen: frontoia, bolatokia eta dema plaza, guztia gradekin inguratua. Plaza Donostiako adokin zaharrez eraiki zen, izan ere, material bakarraz eraikitzea zen helburua. Honek arrakasta handia izan zuen ez baitzen ia beste materialik erabili. Plazaren argiztapena, berriz, 3 farola zahar bertikalean ezarriz egin zen.

Plaza egin zenean herri kiroletan pentsatu zen. Bertan soka-tira, aizkora, idi, boxeo probak egin ziren. Xake taula erraldoi eta erakustoki bezala era erabili zen. Baina proba eta inprobisatutako erakusketa hauek denborarekin ahulduz joan ziren eta Donostiako toki marjinalena bihurtu zen, bertara joateak beldurra ematen zuelarik.

Hau dena amaitu nahirik, Orixe ikastetxeak kirol guneak egiteko aprobetxatu zuen lekua. Frontoiaren estaltzea ere eskatu zen arren Donostiako Arkitektura eskolako zenbait irakaslek aurre egin eta ideia hori bertan behera geratu zen.

Gora behera hauek alde batera utziz, plaza bere aurreneko itxurarekin ezin alderatu ahal daitekeela esan dezakegu. Izan ere, aldaketa eta "txikitze" izugarriak jasan ditu. Hautako bat San Telmo museoaren berrikuntza dela eta etorri da. Plazaren eraikin zahar baten fatxada bota eta plazarekin bat ez datorren fatxada moderno bat eraiki da bertan. Aldaketa hau koloreen bitartez ere ikusi daiteke. berria eta zaharra kolore ezberdinez eraiki baitziren.